English
Ysgol Friars

Crynodeb o Bolisi Anghenion Dysgu Ychwanegol Ysgol Friars

Mae copi o'r polisi llawn ar gael o swyddfa'r ysgol.

Sail Resymegol
Mae Ysgol Friars wedi ymrwymo at ddull ysgol gyfan gyda phob adran yn ymgymryd â'i chyfrifoldeb i wneud y cwricwlwm yn hygyrch i bawb.

Diffiniad
Mae plentyn gydag anghenion dysgu ychwanegol yn blentyn sydd angen cefnogaeth neu baratoi ychwanegol gan bod ei lefel gyffredinol o gyrhaeddiad academaidd yn sylweddol uwch neu is na'i gyfoedion. ⁠ Yn ogystal, efallai bod gan rai anhawster dysgu penodol, sgiliau cymdeithasol gwael, anawsterau emosiynol ac/neu ymddygiadol neu anabledd corfforol/synhwyraidd.

Nod
Sefydlu system sy'n cyflawni anghenion Deddfau Addysg 1981, 1988 ac 1993 a'r Cwricwlwm Cenedlaethol er mwyn galluogi plant gydag anghenion dysgu ychwanegol i arddangos yn llawn yr hyn y maent yn ei wybod, yn ei ddeall ac yn gallu ei wneud.

Amcanion

  • Rhoi cyfle cyfartal i bob plentyn ddatblygu a chymryd rhan mewn cwricwlwm sy'n berthnasol, eang, cytbwys a gwahaniaethol waeth beth fo'u hanghenion addysgiadol.
  • I adnabod plant gydag anghenion dysgu ychwanegol ac i sicrhau eu bod yn cael eu symbylu a'u hymestyn.
  • Cyflawni integreiddio swyddogaethol a chymdeithasol mewn amgylchedd gefnogol.
  • Annog rhieni/gwarcheidwad i chwarae rhan allweddol yn y broses o addysgu plant gydag anghenion dysgu ychwanegol
  • Parhau i feithrin ein cyswllt gydag asiantaethau allanol, boed yn statudol neu'n wirfoddol

N.B. Mae gan yr ysgol ddisgyblion gydag amrediad o anableddau. Mae lifftiau yn rhai o adeiladau'r ysgol, mae'n darparu dodrefn wedi'i addasu ac, ar y cyd â'r ALl, mae'n darparu cymorthyddion cefnogi dysgu i ddisgyblion dynodedig.

Polisi Mynediad
Mae'r Ysgol yn gweithredu Polisi'r AALl ar Fynediad i Ysgolion. Gallwch gael copi o hwn gan y Cyfarwyddwr Addysg.

Addasiadau ADY Arbenigol ac Addasiadau i Adeiladau
Mae lifftiau ar gael mewn tri adeilad.

Trefniadau ar gyfer Cydlynu'r Ddarpariaeth a'r Adnoddau Dysgu Ychwanegol
Fel arfer, darperir Cymorthyddion Cefnogi Dysgu gan yr AALl. Maent yn darparu amrediad o gefnogaeth i ddisgyblion unigol neu grwpiau dysgu bychan sydd ag anghenion dysgu ychwanegol. Yn achlysurol, mae niferoedd y disgyblion sydd ag anghenion dysgu ychwanegol yn codi a gostwng ac ni all yr ysgol sicrhau'r ddarpariaeth hon i bob disgybl, yn enwedig i'r rhai sy'n cael mynediad i'r ysgolar adegau heblaw dechrau'r flwyddyn academaidd. ⁠Mae darpariaeth sy'n cael ei nodi mewn datganiad yn cael ei chyflawni gan yr Awdurdod.

Bydd un cynrychiolydd o bob cyfadran/adran ar y Panel Cydlynu ADY cwricwlaidd, dan gadeiryddiaeth y Cydlynydd ADY.

Adnabod/Asesu/Adolygu
Bydd yr ysgol yn gwneud defnydd llawn o'r wybodaeth a ddarperir mewn cofnodion neu gyfarfodydd trosglwyddo disgyblion. Hefyd,
bydd sgrinio disgybl yn cael ei ddarparu wrth gael mynediad - trefn sy'n ymateb i bryderon rhieni.

Bydd y Polisi Asesu ysgol gyfan yn berthnasol i'r holl ddisgyblion sydd ag anghenion ychwanegol. Yn ogystal, bydd eu cynnydd yn cael ei
fonitro'n agos gan y Cydlynydd ADY ac yn y cyfarfodydd Panel ADY. Anogir cael cyswllt agos â rhieni. Hefyd, fe ymgynghorir â disgyblion ac fe'u hanogir i gymryd rhan weithredol.

Cynhelir adolygiad blynyddol o ddisgyblion yn cael eu cynnal yn unol â gofynion y Cod Ymarfer Anghenion Arbennig Cymru 2002.